தடுக்கி நீ தண்ணீரில்
விழுந்தாயோ வெண்ணிலாவே ?
பிடித்து உனையாரும்
தள்ளினரோ சொல்லுவாயா ?

உயிரை மாய்க்க நீ
வீழ்ந்தாயோ
எனை பார்க்க
நீரில் தவழ்ந்தாயோ ?

துரத்த துரத்த ஓடுகிறாய்
துடித்து துடித்து நீ ஆடுகின்றாய் !

தூர நின்று நீ சிரிக்கின்றாய்
ஓரக் கண்ணடித்து அழைக்கின்றாய்!

தங்கத்தட்டு மிதக்குதடா
நீரில் பட்டு தெறிக்குதடா
நெஞ்சைத்தொட்டு
இழுக்குதடா!

அள்ளிப்பார்த்தேன் உள்ளங்கையில்
அதில் ஆடும் வதனம் தெரிந்ததடா !

ஊஞ்சலொன்று ஆடுதடா
காணும்போது
சஞ்சலங்கள் தீருதடா!